رواية القدر او الحب الفصل الخامس 5 بقلم جوري محمد
ونبدأ من عند السباق
و كله طلع بالعربية بتاعته وبدا السباق ونور ورعد قريبين من بعض في المسافة ولكن نور بدات تتأخر وبدا رعد يزود السرعة بتاعت العربية بتاعته لحد ما وصلت لسرعه جامده جدا وفي لحظه في نهاية السباق ونور المسافة كبرت بينها وبين رعد
وكانت النتيجة مفاجأة للجميع نور اللي كسبت
نور.... الله عليك وعلى والديك لعبتيها صح يا نور وبتضحك بصوت عالي جدا من كثر ما هي فرحانه ان خطتها نجحت
رعد.... ازاي ده حصل وقام بركل كوتشات العربية بقدمها
نور.... زي السكر في الشاي و ضحكت بصوت عالي
فاطمه ومراد... لا بجد يا نور ازاي
نور.....قلت لكم مش مهم نوع العربية قد ما مهم الشخص اللي بيتحكم في سواقتها المهم الفارس الصح اللي يعرف يسيطر على مهرته حكمه بابا الله يرحمه لما كانت بتيجي عربيه صاحبها مش عارف يستعملها صح
ورعد غلطت غلطه كبيره دخل السباق بها من غير ما يعرف كل امكانياتها وايه ممكن يحصل لو زود السرعة جامد عليه
فانا استغليت النقطة دي هديت السرعة مع حفظ المسافة بيني وبينه علشان في الوقت المناسب ازود سرعتي هو فرح وبدا يزود سرعته علشان اقتنعت من جواه ان هو خلاص هيكسب وهو في عز فرحته العربية بدات تقطع وانا استغليت ده وكسبت السباق
فاطمه اه يا بنتي اللعيبة هههه
نور...سلام بقى لو قعدت افهمكم من هنا لبكره مش هتفهمه دي هندسه ميكانيكيه يا جدعان مش اي حاجه ههههه
نور... مراد ما تنساش ابقى حط الفلوس في الحساب
رعد مبروك يا نور مش هتعزميني على قهوه حلاوة السباق يعني
نور قهوه في الوقت ده ما اظنش خليها وقت ثاني
ومشيت نور البيت عند وليد وبتفتح بالراحة خالص
وليد.. تأخرت قوي يا نور
نور... اسفه مش تزعل مني انا كنت تحت في الورشة
وليد... خلاص يا نور خذي شاور و نامي والصبح نتكلم
نور... دخلت الاوضه ونامت بهدومها من كثر التعب ونسيبها ونروح عند توفيق
الراجل....توفيق باشا البنت طلعت بتدخل رهانات سباق سيارات و انا سمعتها وهي بتتكلم انها بتعمل كده علشان عمليه هتعملها.من الفلوس اللي بتحوشه علشان اخوها
توفيق... كويس يعني البنت طلعت راجل صحيح
الراجل...الشهادة لله راجل راجل بس ادم به استحلفها اكثر لما هي رفضته
توفيق.. . انا عايزك تفضل مراقبه زي الظل سلام بقى ونفذ اللي قلت لك عليه
وكده انتهى اليوم ومع بدأيه يوم جديد
وليد ونور استعدوا للجامعة
فاطمه صباحؤؤؤؤ
نور... قشطه
مراد... ازيك يا وليد عامل ايه
وليد... كله تمام يلا على المحاضرة
وفاطمة جاءت تحرك الكرسي بتاع وليد
وليد.... لا سيبيه مش محتاج مساعده
فاطمه... ومين قال لك ان كنت هساعدك انا بحركة
علشان اعرف اتحرك وسابته مشيت
نور.. ايه يا عم وليد زعلت الشابة هي غلطانه انها بتحبك
وليد... نور انا مش عايز الكلام ده ويلا على المحاضرة
فاطمه... على فكره اخوكي وليد ده رخم وغليس وفي كل حاجه
نور... وانتي بتحببيه وبتموتي في ورخامته على قلبك زي العسل صح
فاطمه.... ايوه خلاص انا هبطل احبه
نور...عارفه يعني ايه تحبي واحد عاجز قاعد على كرسي محتاج حد يساعده في حمامه وهو بياخذ شاور
فاطمه... ايوه عارفه بس اعمل ايه حبيته
نور.. علشان شكله صح ولد مز عيون زرقاء شعره ناعم شبه الاجانب
فاطمه.. لا طبعا والله انا لما حبيته حبيت عقله المتفتح والمتميز بشهاده الجميع وعمري ما شفته عاجز خالص
نور... خلي في عقل اهلك عمرهم ما هيوافقوا وليد متأكد من كده يمكن بعد العملية يغير تفكيره
فاطمه.... انا بحبه وخلاص و مستعدها احارب الدنيا كلها علشانه ان شاء الله هيبقى كويس و هيخف بعد العملية
نور... ان شاء الله
كل الكلام ده سمعه وليد وبدل ما يفرحوا جعله بداخله يلعن عجزه وحس قد ايه انه عاجز وان عجزه ده هيضيع منه حاجات كثيره حلوه واهمها حبه لفاطمة هو يعشقها ولكن يعلم جيدا ان استحال اهلها يوافقوا عليه وده اللي منعوا انه يعترف بحبه ليها
نسيبهم بقى ونروح عند حازم وادم
حازم. ادم باشا جبت لك كل المعلومات عن البنت وحكايتها ايه وقد ايه هي مدمنه سباق عربيات وما فيش سباق دخلته الا وخذت فيه الجائزة الاولى
ادم.... اعرف لي السباق الجاي امتى
حازم.... عامل حسابي و كل حاجه موجوده قدامك في الملف ده وعلى فكره يا عم هو هيبقى بكره
ادم... ماشي عايزك تحضر لي سطرين من المزاج العالي قوي علشان نضبط لها دماغها قبل السباق
حازم.... حبيبي تامرني ولكن ده خطر عليها لان السباق من غير قوانين يعني اي حد ممكن يطحن في اي حد
ادم وايه يعني يمكن لما تتكسر لها ايد او رجل يرجع لها دماغها
حازم انت حر انا قلت لك واحنا تحت امر الباشا
ونسيبهم ونروح عند مراد
رعد... مراد اخبارك
مراد... الحمد لله اخبارك ايه واخبار السباق الجاي ايه
رعد...السباق بكره على 300,000 جنيه بس من غير قانون
مسرح في بكل حاجه قل ل نور وفهمها علشان تعمل حسابها
لأنها ما تنفعش تخش السباق كده بتعرض حياتها
للخطر وبالذات لو دخلتوا بالعربية اللي كانت معاها المرة اللي فاتت
مراد.... اوكي سلام
مراد... نور اخباركي
نور.. الحمد لله لخص وقول سبب الاتصال لان انا بكلمك وانا تحت البنج في المحاضرة لو تقفشت ماسكه التليفون هيطردني بره
مراد... حاضر يا اسطى هههههه وحكى لها كل الكلام اللي حصل بينه وبين رعد
نور.... خلاص المرة دي هادخل بالأصيلة
مراد.... انتي بتهزري انت كده بتعرضي حياتك للخطر باقول لك السباق ما لهوش قانون يعني هيبقى خبط ورزع في العربيات وكله هيكتب انه على مسئوليته علشان لو حد مات او انصاب
نور.... وليد عمل شويه تعديلات في العربية خليناها عربيه سباق سباق مدرعه يا عم
مراد.... ليه هو وليد عرف
نور.. .. لا بس قلت له دي عربيه جايه في الورشة وعايزه تتصلح عمل التعديلات و انا ركبتها وجربتها يعني كله في التمام
مراد... ان شاء الله خير بس انت ريحي نفسك عشان تكوني فأيقه للسباق
نور .... استعنا على الشقا بالله سلام بقى
فاطمه اطلعي يا زفته الدكتور جاي
نور ايه دماغي اتخبط هههه
فاطمه.. احسن حد قالك تبقي طويله
نور حاضر حسابنا بعدين
وبقيت اليوم مر بدون اي احداث جديده
وجاء اليوم بتاع السباق
نور....احتمال اتاخر النهارده يا وليد علشان رايحه انا وفاطمة عيد ميلاد واحده صاحبتنا
وفيه كم حته قطع غيار عايزين يصلحه هابعثهم مع بطاطا وهو طالع
وليد... ماشي خلي بالك من نفسك وما تتأخري
ونزلت نور تحت و بعثت الحاجات اللي قالت عليها لوليد عايزه تتصلح مع بطاطا
نور.. انا ماشيه بقى يا حاج ادعي لي النهارده يوم مهم جدا
الحاج محمد.... ان شاء الله النصرة ليكي وربنا يحفظك
ومشيت نور الى السباق على امل انها تكمل الفلوس بتاعت عمليه وليد وتلحق الدكتور الامريكي قبل ما يرجع لبلده علشان يعمل العملية
كده ينتهي الفصل بتاعنا والفصل الجاي هانعرف نور هيحصل لها ايه في السباق
